काठमाडौं । आन्दोलनरत नेपाल बार एशोसिएसनको प्रदर्शनका बीच आज (बिहीबार) पनि प्रधानन्यायाधीश चोलेन्द्र शमशेर जबराले नौ इजलास गठन गरेका छन् ।

सर्वोच्चमा न्यायिक विचलन भएको भन्दै बारले राजीनामा माग्दै धर्ना दिइरहेका बेला जबराले बालुवाटारस्थित निवासबाटै नौवटा इजलासका लागि २५९ मुद्दा सुनुवाइका लागि पेसी तोकेका हुन्।

प्रधानन्यायाधीश जबरामाथि कार्यपालिकासँग मिलेर राजनीति भागबण्डा खोजेकोलगायतका आरोप लगाउँदै आन्दोलनरत बारले उनको राजीनामा माग्दै दिनहुँ प्रदर्शन गर्दै आएको छ । बारको प्रदर्शन आज पनि जारी रहेको छ।