काठमाडौं । त्रिभुवन अन्तर्राष्ट्रिय विमानस्थलबाट आधा किलो सुनसहित एक भारतीय नागरिक पक्राउ परेका छन् ।

पक्राउ पर्नेमा बुधबार फ्लाई दुबईको उडानबाट नेपाल आएका ४२ बर्षीय भारतीय नागरिक मोहमद जुबेद रहेका छन्।

विमानस्थल प्रहरीका अनुसार मोहमदले विमास्थलमा शंकास्पद गतिविधि गरेको र शंकालागेर चेकजाँच गर्ने क्रममा उनले मलद्वारमा लुकाएर सुन ल्याएको खुलेको हो ।

पक्राउ परे लगत्तै उनलाई पानी र चिया खुवाई दिसा गराएर सुन निकालिएको विमानस्थल प्रहरीले जनाएको छ।

पक्राउ परेका उनीमाथि थप आवश्यक अनुसन्धान भइरहेको विमानस्थल प्रहरीको भनाइ छ।