कास्की । कास्की प्रहरीले लागूऔषधसहित एक युवकलाई पक्राउ गरेको छ। पक्राउ पर्नेमा तनहुँ जिल्लाको बन्दीपुर गाउँपालिका २ बस्ने २० वर्षीय विजय गुरुङ रहेका छन्।

गुरुङलाई वडा प्रहरी कार्यालय बैदामबाट खटिएको प्रहरी टोलीले पोखरा महागनरपालिका वडा नं.०९ पृथ्वीचोकबाट नियन्त्रणमा लिएको हो। उनको साथबाट ४ किलो ११० ग्राम लागूऔषध गाँजा बरामद गरिएको छ।

पक्राउ परेका गुरुङलाई लागूऔषधसम्बन्धी मुद्दामा कास्की जिल्ला अदालतबाट पक्राउ अनुमति लिई अनुसन्धान प्रक्रिया अगाडी बढाइएको प्रहरीले जानकारी दिएको छ।