काठमाडौँ । सरकारले ८५ जना सहसचिवको सरुवा गरेको भोलिपल्टै १६ जना प्रमुख जिल्ला अधिकारीको पनि सरुवा गरेको छ ।

भूमि व्यवस्था, सहकारी तथा गरिबी निवारण मन्त्रालयबाट सरुवा भएका ऋषिराज तिवारी र दीपककुमार पहाडीलाई सीडीओ बनाएर पठाइएको छ ।

जसमध्ये तिवारीलाई रुपन्देहीको सिडिओ बनाएर पठाइएको छ भने पहाडीलाई रामेछापको सीडीओमा पठाइएको छ ।

त्यस्तै मंगलबार नै गृहमा सरुवा भई आएका प्रदेश २ को आर्थिक मामिला तथा योजना मन्त्रालयका सहसचिव काशीराज दाहाललाई मोरङको सीडीओमा पठाइएको छ। कर्णाली प्रदेशका सहसचिव पुन्यप्रसाद पौडेललाई गुल्मीमा पठाइएको छ।

यसैगरी,प्रदेश २ को आन्तरिक मामिला तथा कानून मन्त्रालयमा सहसचिव रहेका वीरेन्द्रकुमार यादव उदयपुर र लुम्बिनी प्रदेश लोकसेवा आयोगमा रहेका सहसचिव शंकरहरि आचार्यलाई गोरखाको सीडीओ बनाएर खटाइएको छ ।

यता लोकसेवा आयोगबाट गृहमा सरुवा भएका कृष्णप्रसाद लम्साल धादिङको सीडीओमा पुग्दा मोरङका कोशहरी निरौला, संखुवासभाका टेकनारायण पौडेल, दोलखाका बासुदेव घिमिरे, ललितपुरका ढुण्डीराज निरौलालाई गृहमन्त्रालयमा तानिएको छ ।

अर्को पनि पढ्नैपर्ने

एकैपटक ८५ जना सहसचिवको सरुवा (सूचीसहित)