काठमाडौँ । नेपाल धितोपत्र बोर्डको कार्यकारी निर्देशकको जिम्मा निरज गिरीलाई दिइएको छ।

मंगलबार अर्थ मन्त्रालयले बोर्डका अध्यक्ष हटेको अवस्थामा वरिष्ठ कर्मचारीलाई नै नेतृत्वको जिम्मेवारी दिने व्यवस्थाअनुरुप गिरीलाई सो जिम्मेवारी दिएको हो।

यसअघि बोर्डका अध्यक्ष भीष्मराज ढुंगाना सर्वोत्तम सिमेन्ट खरिद प्रकरणमा मुछिएपछि निलम्बनमा परेका थिए। ढुंगाना निलम्बनमा परेको दुई सातापछि बोर्डको जिम्मेवारी गिरीले सम्हाल्ने भएका हुन् ।

मन्त्रालयले जिम्मेवारी दिएपछि गिरीले बोर्डको दैनिक प्रशासनसँगै बोर्ड बैठक समेत बोलाउन सक्नेछन् ।