काठमाडौं । महोत्तरीमा समाचार लेखको विषय लिएर एक जना पत्रकारलाई ज्यान मारने धम्की दिएको अडियो सामाजिक संजालमा निकै भाइरल भएको छ ।

महोत्तरीको गौशला बजारमा संचालित रेडियो रुपान्तरणका अध्यक्ष नगेन्द्र साहलाई एजेन्ट कुन्दन कुमार मिश्रा भने (राजन मिश्रा)ले ज्यान मार्ने धम्कीको अडियो सार्वजनिक भएका हो ।

विदेश पठाइदिन्छु भन्दै महोत्तरीका ११ जनासँग १ लाख ३० हजार रुपैयाँका दरले रकम उठाएर फरार भएका कुन्दकुमार मिश्राले स्थानीय रेडियोका पत्रकार नागेन्द्र साहलाई फोनमार्फत ज्यान मार्ने धम्की दिएका हुन् ।

११ जना युवा जेन्टबाट ठगिएको समाचार रेडियोमा प्रसारण गरेको भन्दै धम्की आएको पत्रकार साहले बताउए । गौशालाकै पत्रकार लाल मिश्राले केही समयअघि टिपर दुर्घटनामा ज्यान गुमाएका महोत्तरीका एक रेडियोकर्मीलाई आफूले हत्या गरेको भन्दै त्यस्तै हालत बनाइदिने धम्की दिएका पत्रकार साहले बताए ।

सर्लाहीको धनकौल ४ सरस्वती टोलका कुन्दन कुमार मिश्राले दुबई उडाइदिने भन्दै ११ जनासँग रकम लिइ फरार भएका थिए ।

मिश्राले गौशाला नगरपालिकाका छठु राय यादव, सोलीन्दर सहनी, सिकिन्द्र सहनी, सुरेन्द्र महरा, अनिल महतो, सुनिल महतो, रामकिशोर मुखियासँग पैसा लिएका थिए । त्यसै गरी औरही नगरपालिकाका सिरिया महतो, शिवशंकर महतो, बद्रि मुखिया र कारी मुखियासँग पनि पैसा लिएका थिए । अहिले उनीहरू अलपत्र अवस्थामा रहेका छन् ।