काठमाडौं । पुतलीसडकस्थित कान्तिपुर सिटी कलेजमा नेकपा एमाले र नेकपा एकीकृत समाजवादीका विद्यार्थीहरुबीच झगडा भएको छ । नेकपा एमालेका अध्यक्ष केपी शर्मा ओली र एमालेबाट छुट्टिएर नयाँ पार्टी (नेकपा एस) गठन गरेका माधवकुमार नेपाल पक्षका विद्यार्थी संगठनबीच झगडा भएको हो ।

कान्तिपुर सिटी कलेजका अखिल नेपाल स्वतन्त्र विद्यार्थी युनियन(अनेरास्ववियू) का अध्यक्ष मनोजकाे समूह नेपाल पक्षमा गएका कारण ओली पक्षले नयाँ कमिटी गठन गर्न आयोजना गरेको कार्यक्रममा दुई पक्षबीच झगडा भएको हो ।

मनोजले आफूलाई थाहै नदिई नयाँ कमिटी गठन गर्न लागेको भन्दै आक्रमण गर्न गएपछि ओली पक्षका विद्यार्थीहरुले पिटेका थिए ।

महानगरिय प्रहरी परिसर, काठमाडौंका प्रमुख एसएसपी अशोक सिंहले घटना भएको पुष्टि गर्दै तीन जना पक्राउ परेको जानकारी दिए ।अहिले कान्तिपुर सिटी कलेज परिसरमा प्रहरीहरू तैनाथ भएका छन् ।