काठमाडौँ । प्रधानमन्त्री शेरबहादुर देउवाले मन्त्रिपरिषद् बैठक बोलाएका छन् ।

देउवाको सचिवालयले दिएको जानकारी अनुसार बैठक आज दिउँसो ४ बजे सिंहदरवारमा बोलाइएको छ। यसअघि सोमबार नियमित बस्ने बैठक स्थगित भएको थियो ।

सचिवालयका अनुसार बैठकले केही महत्त्वपूर्ण निर्णय गर्न सक्ने बताइएको छ । जसमा सरकारले के काम गर्ने र सरकार सञ्चालन कसरी गर्ने भन्ने सैद्धान्तिक विषयमा टुङ्गो लागेपछि मात्र मन्त्रिपरिषद् विस्तार हुने भनिएको छ ।

हाल कांग्रेस सभापति देउवा नेतृत्वको सरकारमा १ राज्यमन्त्रीसहित ५ जनाको मन्त्रीमण्डल रहेको छ।