काठमाडौं । काठमाडौबाट धनगढीतर्फ उडेको बुद्ध एयरको जहाज आपतकालीन अवतरण भएको छ ।

सोमबार साँझ 9N-AMD जहाज भरतपुर क्षेत्रबाट डाइभर्ट गरेर पुन: त्रिभुवन अन्तर्राष्ट्रिय विमानस्थलमै आपतकालीन अवतरण गरिएको बुद्ध एयरले जनाएको छ।

जहाजमा हाइड्रोलिक फेल भएर आपतकालीन अवतरण गर्न लाग्दा फायर भेहिकल तथा एम्बुलेन्सहरु समेत हाइ अलर्ट अवस्थामा राखिएको थियो ।

साँझको उडान आपतकालीन अवतरण गरिएपछि अर्को विमानमा यात्रीलाई राखेर उडाउने तयारी भइरहेको बुद्ध एयरले जनाएको छ ।