काठमाडौँ । उपत्यकाका जिल्लाहरु (काठमाडौँ, भक्तपुर र ललितपुर)मा जारी निषेधाज्ञा खुकुलो पार्दै भोलिदेखि २५ सिट माथिका सार्वजनिक बस चल्न दिने निर्णय भएको छ।

आज बिहान बसेको उपत्यकाका ३ जिल्ला प्रमुख जिल्ला अधिकारीहरुको बैठकले सो निर्णय गरेको काठमाडौँका सीडीओ कालीप्रसाद पराजुलीले जानकारी दिए ।

‘जोर बिजोर प्रणालीका आधारमा सार्वजनिक बस चल्न दिने निर्णय भएको छ, सीडीओ पराजुलीले भने, ‘ ती बसहरूले स्वास्थ्य मापदण्ड पालना गर्नुपर्ने, बसमा सेनीटाइजर राख्ने तथा सिटमा यात्रुको दूरी राख्नुपर्ने जस्ता मापदण्ड तोकिएको छ ।’

कोरोना भाइरस संक्रमणका कारण गत बैशाख १६ गतेदेखि लागू गरिएको उपत्यकाको निषेधाज्ञा जारी रहेको छ भने पछिल्लो हप्तादेखि निजी सबारीमा जोरबिजोर लागू भएको छ।