काठमाडौँ । जनता समाजवादी पार्टी (जसपा) मा एक पक्षले अर्को पक्षलाई कारबाही गर्ने होडबाजी चलेको छ।

आज पार्टीका अध्यक्ष महन्त ठाकुर पक्षका चार जना नेतालाई अर्का अध्यक्ष उपेन्द्र यादव पक्षले निश्कासन गरेलगत्तै अध्यक्ष ठाकुरले काउन्टरमा यादवलाई पनि कारबाहीमा गरेका हुन्।

आज बबरमहलमा बसेको ठाकुर पक्षको बैठकले अर्का अध्यक्ष यादवलाई पार्टीबाट निष्कासन गरेको र पत्र निर्वाचन आयोगमा पठाईसकेको नेता केशव झाले जानकारी दिए।

अध्यक्ष यादवले पार्टीका चारजनालाई गरेको कारवाही पार्टीको विधान विपरित रहेको पनि बैठकले ठहर गरेको झाको भनाइ छ ।

केहिसमय अघि मात्रै यादव पक्षले ठाकुरसहित वरिष्ठ नेता राजेन्द्र महतो, कार्यकारिणी सदस्य लक्ष्मणलाल कर्ण, सर्वेन्द्रनाथ शुक्लालाई पार्टीबाट निष्कासन गरेको थियो । यादवपक्षले पनि त्यसको जानकारी आयोगलाई दिइसकेको छ ।