एजेन्सी। अमेरिकाले इजरायललाई हरेक प्रकारले सहयोग गरिरहेको बेला चीनले हालै इजरायल -प्यालेस्टाइन द्वन्द्वमा महिला र बालबालिका ठूलो संख्यामा मारिएकोप्रति  गम्भीर चिन्ता व्यक्त गरेको छ ।

चिनियाँ प्रतिनिधिले मानव अधिकार परिषद् (एचआरसी) को विशेष सत्रमा बिहीबार चीनले प्यालेस्टाइनलाई आपतकालीन मानवीय सहयोग स्वरुप एक मिलियन अमेरिकी डलर दिने घोषणा गरेको छ।

त्यस्तै निकट पूर्वमा शरणार्थीहरूलाई सहयोग गर्न संयुक्त राष्ट्र संघलाई कोभिड- १९ खोपको २० लाख डोज प्रदान गर्ने  जनाएको छ।

ग्लोबल टाइम्सका अनुसार पूर्वी जेरुसलेमलगायत  प्यालेस्टाइन क्षेत्रको मानवअधिकारको गम्भीर अवस्थाबारे विशेष सत्रमा राजदूत चेन जुले जेनेभास्थित संयुक्त राष्ट्र संघको कार्यालयका लागि स्थायी प्रतिनिधि र  अन्य अन्तर्राष्ट्रिय संगठनहरूलाई इजरायललाई संयुक्त राष्ट्रका प्रस्तावहरुलाई पालन गराउन आग्रह गरे।

उनले भने, ‘प्यालेस्टाइनको घर ध्वस्त पार्ने र प्यालेस्टिनी जनतालाई बेदखल गर्न रोक्नुहोस्, बस्ती विस्तार रोक्नुहोस्, साथै यरूशलेमको पवित्र स्थलहरूको ऐतिहासिक स्थितिलाई कायम राख्नुहुनेछ र सम्मान गर्नुहोस्। हामी इजरायललाई गाजामा तुरुन्तै नाकाबन्दी हटाउन आग्रह गर्दछौं ,ताकि प्यालेस्टिनी जनताको वैधानिक अधिकार र चासो सुनिश्चित गर्न सकोस्।’

चेनले हालसालै प्यालेस्तिनी जनतालाई चीनले सहयोग गरेको र  इजरायल- प्यालेस्टाइनबीचको युद्धविरामलाई स्वागत गरेको पनि जनाए  । उनले सम्बन्धित पक्षले प्रभावकारी ढंगले युद्धविराम कायम राख्न र हिंसा रोक्ने आशा गरेका छन्।

इजरायल -प्यालेस्टाइन द्वन्द्वको गम्भीर अवस्थालाई ध्यानमा राख्दै चीनले पनि शान्ति वार्तालाई प्रवर्द्धनका लागि ठूलठूला प्रयासहरू गरिसकेको छ।