चितवन। नेपाली काँग्रेसका महामन्त्री डा.शशाङ्क कोइरालाले अबको केही दिनमै नयाँ प्रधानमन्त्री पार्टी सभापति शेरबहादुर देउवा बन्ने दाबी गरेका छन्।

महामन्त्री कोइरालाले काँग्रेसको नेतृत्वमा छिटै नयाँ सरकार बन्ने दावी गरेका हुन ।

उनले नयाँ प्रधानमन्त्री पार्टी सभापति शेरबहादुर देउवा बन्ने जिकिर समेत गरे । शनिबार चितवनमा पत्रकारसँग कुराकानी गर्दै उनले पार्टी सभापति शेरबहादुर देउवाको नेतृत्वमा सरकार बन्ने दावी गरेका हुन् ।

कोइरालाले भने, ‘शेरबहादुरजी संसदीय दलको नेता हुनुहुन्छ । उहाँकै नेतृत्वमा अब सरकार बन्छ। यस विषयमा अन्य दलसँग छलफल जारी छ ।

कोइरालाले माओवादीसहित जनता समाजवादी पाटीसँग सरकारका विषयमा छलफल भइरहेको र केही दिनमा नै टुङ्गो लाग्ने उल्लेख गरे ।

आजै काँग्रेस नेता प्रकाशमान सिंहले जनताले दिएको अधिकारको दुरुपयोग गरि जनताको विश्वासमाथि केपी ओली सरकारले लात हानेको आरोप लगाएका छन् ।

काठमाडौंको टोखामा आयोजित शुभकामना आदानप्रदान तथा गणेशमान सिंहको स्मृतिमा निमार्ण गरिएको पोखरीको उद्घाटन कार्यक्रममा नेता सिंहले नैतिकता नभएको प्रधानमन्त्री धेरै समय राख्न नहुने भन्दै तत्काल ओलीको विकल्प खोज्नु पर्ने बताए ।