काठमाडौँ। जनता समाजवादी पार्टी (जसपा) संघिय परिषद अध्यक्ष एवं पूर्वप्रधानमन्त्री डा. बाबुराम भट्टराईले सत्ता समीकरणमा आफ्नो पार्टीले राखेको मागको सम्बोधन नभएको भन्दै आपत्ति जनाएका छन् ।

सरकारले आफुहरुको मागलाई वेवास्ता गरेको भन्दै सामाजिक सञ्जालमार्फत् भट्टराईले आपत्ति जनाएका हुन् ।

अध्यक्ष्य भट्टराईले ट्वीट गर्दै उल्लेख गरेका छन्, ‘रेशम चौधरी लगायतका थारू विद्रोहका नेताहरूको रिहाइको माग प्रतिगमनकारी ओली सरकारलाई समर्थन वा त्यसमा सहभागिताको शर्तमा हैन र हुनसक्दैन !’

यस्तै, उनले एमालेको झापा विद्रोहदेखि विप्लबको सशस्त्र गतिविधिसम्म राजनीतिक मुद्दाका रूपमा हल हुनसक्छन् भने थारूको मात्र किन नहुने ? भन्ने हो ! कुनै भ्रम नरहोस् !”

रेशम चौधरी लगायतका थारू विद्रोहका नेताहरूको रिहाइको माग प्रतिगमनकारी ओली सरकारलाई समर्थन वा त्यसमा सहभागिताको शर्तमा हैन र हुनसक्दैन! एमालेको झापा विद्रोहदेखि विप्लबको सशस्त्र गतिविधिसम्म राजनीतिक मुद्दाका रूपमा हल हुनसक्छन् भने थारूको मात्र किन नहुने?भन्ने हो! कुनै भ्रम नरहोस्!

— Baburam Bhattarai (@brb1954) March 12, 2021

प्रतिनिधिसभामा चौथो ठुलो दल रहेको जसपाले नयाँ सरकार गठन र सत्ता समिकरणको लागि विभिन्न मागहरु राख्दै आएको छ । जसपाको मागमा रेशम चौधरीको रिहाइलगायत संविधान संशोधन गर्नु पर्ने रहेका छन् ।

पछिल्लो समय जसपा माओवादी केन्द्रसँग छलफलमा बसेको थियो ।