Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
मंगलवार, जेठ २६ गते २०८३
Jun 09 2026 | २०८३, जेठ २६ गते
09 Jun 2026 | मंगलवार, जेठ २६ गते २०८३
काठमाडौं । प्रधानमन्त्री केपी शर्मा ओलीले आफूमाथि शारीरिक हमला हुनसक्ने बताएपछि सुरक्षा निकायहरु नै अचम्मित भएका छन्। ।
रक्षामन्त्रीको समेत जिम्मेवारी सम्हालेका प्रधानमन्त्री ओलीले आज पोखरामा गण्डकी प्रदेशस्तरीय कार्यकर्ता भेलालाई सम्बोधनका क्रममा आफूमाथि शारीरिक हमला हुनसक्ने वताएका थिए। । सेना, प्रहरी, सशस्त्र सबै सुरक्षा निकाय प्रधानमन्त्रीकै मातहत हुन्छन् । तर उनले आफूलाई असुरक्षित मात्र होइन, ज्यानै लिनेसम्मको आक्रमण हुनसक्ने अभिब्यक्ति दिएका छन् ।
प्रधानमन्त्री देशको कार्यकारी प्रमुख भएकाले तीन तहको सुरक्षा घेरा राखिएको छ, जुन उच्च सुरक्षा घेरा हो ।
उच्च सुरक्षा घेरामा रहने प्रधानमन्त्री ओलीले कसरी असुरक्षित महसुस गरे ? उनीमाथि साँच्चिकै सुरक्षा थ्रेट भएको हो कि जनताको सहानुभूति लिन उनले प्रोपोगान्डाका लागि यस्तो अभिब्यक्ति दिएका हुन् ? अन्यथा उनी कोबाट असुरक्षित छन् ? उनले सुरक्षा ब्यवस्थाप्रति नै विश्वास नगरेका हुन् ?
नेपाल प्रहरीका प्रवक्ता बसन्त कुँवर भन्छन्–‘राष्ट्रको कार्यकारीको सुरक्षामा कुनै कमी हुने कुरा हुनै सक्दैन ।’
प्रधानमन्त्रीले आफू असुरक्षित भएको र ज्यानै तलमाथि हुनसक्छ भनी दिएको अभिब्यक्तिका बारेमा कुँवरले भने–‘यसमा मैले केही भन्न मिल्दैन ।’
नेपाल प्रहरीका अर्का पूर्व डीआइजीले प्रधानमन्त्री ओलीको अभिब्यक्तिलाई जनताको सहानुभूति लिने गोयबल्स शैलीका रुपमा लिएका छन् । यदि यो थ्रेट साँच्चै महशुस भएको हो भने यसलाई गम्भीरतापूर्वक उच्च सुरक्षा संयन्त्रमा राखिनुपथ्र्यो । तर सुरक्षा निकायमा राख्नुको साटो सस्तो लोकप्रियताका लागि सुरक्षाजस्तो गम्भीर बिषयमा हल्का टिप्पणी गरी प्रधानमन्त्रीले जनताको सहानुभूति लिन खोजेको देखिन्छ ।
© 2026 All right reserved to onlinenepal.com
Design & Developed By
