काठमाडौं। प्रधानमन्त्री केपी शर्मा ओलीले शुक्रबार नेकपा नेता देव गुरुङलाई बर्खास्त गरेर विशाल भट्टराईलाई प्रमुख सचेतकमा नियुक्त गरेपछि नेता गुरुङले असन्तुष्टि व्यक्त गरेका छन् ।

नेता गुरुङले राजीनामा दिनुपर्ने बेलामा प्रधानमन्त्री ओलीले नयाँ प्रमुख सचेतक नियुक्त गरेर अनैतिक काम  गरेको भन्दै आलोचना समेत गरेका छन् । उनले ओलीले संसद नै विघटन गरेपछि संसद र संसदीय दलमा नैतिक हैसियत गुमाएको समेत बताए ।

ओलीमा एकातिर संसद सिध्याउने अनि फेरि संसदको बारेमा चिन्ता गर्ने अचम्मको शैली रहेको गुरुङको भनाइ छ ।

आफैले विघटन गरेको संसदलाई सर्वोच्च अदालतले पुनस्स्थापना गरेकाले ओलीमा यस्तो अधिकार नरहेको गुरुङको टिप्पणी छ ।