काठमाडौँ। प्रधानमन्त्री एवं नेपाल कम्युनिष्ट पार्टी (नेकपा) अध्यक्ष केपी शर्मा ओलीले पार्टी संसदीय दलको प्रमुख सचेतकबाट देव गुरुङलाई बर्खास्त गरी विशाल भट्टराईलाई प्रमुख सचेतक बनाएका छन् ।

नेकपा संसदीय दलका उपनेता सुवास नेम्वाङका अनुसार ओली समूहको संसदीय दलको बैठकले भट्टराईलाई नियुक्त गरेको हो  ।

शुक्रबार प्रदेश-१ का सांसदहरूको भेलामा प्रधानमन्त्री ओलीले नेकपा प्रचण्ड-माधव समुहका नेता गुरुङलाई प्रमुख सचेतकबाट हटाएर भट्टराईलाई नियुक्त गरेको जानकारी गराएको नेम्वाङले बताए ।