काठमाडौं । अग्रपंक्तिमा खटिने शिक्षक कर्मचारीलाई कोरोना खोप लगाउने व्यवस्था गर्न शिक्षा, विज्ञान तथा प्रविधि मन्त्रालयले अनुरोध गरेको छ ।

मन्त्रालयले आज सचिवस्तरीय निर्णय गरी सरकारको नीति बमोजिम प्राथमिकताको आधारमा खोप लगाउने व्यवस्था गर्न स्वाथ्य तथा जनसंख्या मन्त्रालयलाई अनुरोधपत्र पठाएको छ ।

‘प्राथमिकताको आधारमा विद्यालय र विश्वविद्यालयमा कार्यरत शिक्षकलाई खोप लगाउने व्यवस्था गर्न अनुरोध गर्दछौ’ मन्त्रालयद्वारा लेखिएको पत्रमा उल्लेख गरिएको छ।