सप्तरी । अख्तियार दुरुपयोग अनुसन्धान आयोगले सेवाग्राहीसँग घुस लिँदै गरेको अवस्थामा सप्तरीबाट एकजना लेखापढी व्यवसायीलाई पक्राउ गरेको छ ।

पक्राउ पर्नेमा लेखापढी व्यवसायी अरुणकुमार यादव रहेका छन् । अख्तियारको इटहरीबाट खटिएको टोलीले यादवलाई शुक्रबार पक्राउ गरेको हो ।

आयोगका अनुसार यादवले कञ्चनरुप नगरपालिकास्थित मालपोत कार्यालयमा सेवाग्राहीसँग १५ हजार रूपैयाँ घुस लिँदै गरेको अवस्थामा उनी पक्राउ परेका हुन् ।

जग्गाको नक्सा मिलाई दिने नाममा उनले सेवाग्राहीसँग घुस लिएको बताउँदै आयोगले उनीमाथि थप अनुसन्धान गरिरहेको जनाएको छ ।