Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । सभामुख अग्निप्रसाद सापकोटाले ११ वटा संवैधानिक आयोगमा जबरजस्ती गरिएका नियुक्तिविरुद्ध सर्वोच्च अदालतमा मुद्दा हालेका छन् ।
संबैधानिक आयोगमा भएको नियुक्तिको बदर माग गर्दै सापकोटाले आज सर्वोच्च अदालतमा उपस्थित भएर रिट दायर गरेका हुन् ।
रिटको पेशी आइतबारलाई तोकिएको छ ।
रिट निवेदनमा संवैधानिक आयोगमा गरिएका नियुक्ति यथास्थितिमा राख्दै सर्वोच्चले अन्तरिम आदेश जारी गर्नुपर्ने उल्लेख गरिएको छ ।
नियुक्तिपछि राष्ट्रपतिबाट शपथ लिई पदभार ग्रहण गरिसकेका अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईलगायतलाई अब समस्या पर्ने देखिएको छ ।
संवैधानिक आयोगका पदाधिकारीलाई कामकारबाही गर्न नदिन पनि रिटमा माग गरिएको छ ।
सभामुखले पेस गरेको निवेदनमा ३९ जनालाई विपक्षी बनाइएको छ।
सभामुख सापकोटासँग दाहाल–नेपाल नेतृत्वको नेकपाका नेताहरु शशी श्रेष्ठ, रामकुमारी झाँक्री, जीवनराम श्रेष्ठ र रेखा शर्मालगायत पनि अदालत पुगेका छन् ।
असंवैधानिक ढंगले ल्याएको अध्यादेशका आधारमा संवैधानिक परिषद्ले पदाधिकारीमा सिफारिस गरेका ३२ जनालाई संसदीय सुनुवाइबिनै र अदालतमा मुद्दा विचाराधीन रहेकै अवस्थामा बुधबार शीतलनिवासमा शपथ गराइएको थियो।
सोहि प्रकरणविरुद्ध सभामुख सापकोटा आज सर्वोच्चको ढोका ढकढक्याउन पुगेका हुन् ।
© 2026 All right reserved to onlinenepal.com
Design & Developed By
