सिन्धुली । जिल्ला प्रहरी कार्यालय सिन्धुलीले अवैध काठसहित ४ जनालाई पक्राउ गरेको छ ।

पक्राउ पर्नेमा तीनपाटन गाउँपालिका–२ का ट्याक्टर चालक ४८ वर्षीय कर्णबहादुर तामाङ, १८ वर्षीय भुवन मगर, ३५ वर्षीय बलबहादुर राना र ५० वर्षीय मानबहादुर मगर छन् ।

करिब २३ दशमलब ७९ क्युफिट सालको काठ लोड गरी ल्याउँदै गरेको अवस्थामा कमलामाई नगरपालिका–१० स्थित सरकारी टोल नजिकै शुक्रबार ना ३ त ८०० नम्बरका ट्याक्टरसहित चार जनालाई ईलाका प्रहरी कार्यालय भिमानको टोलीले पक्राउ गरेको हो ।