काठमाडौं । प्रधानमन्त्रीसमेत रहेका नेपाल कम्युनिस्ट पार्टी ( नेकपा) का अध्यक्ष केपी शर्मा ओलीले गृहमन्त्री रामबहादुर थापा ‘बादल’ लाई पार्टी अध्यक्ष बन्नको लागि प्रस्ताव गरेका छन् ।

प्रधानमन्त्री ओलीले नेकपाको कार्यकारी अध्यक्ष रहेका पुष्पकमल दाहाल ‘प्रचण्ड’ छुट्टिएपछि उनको स्थानमा बादललाई ल्याउने तयारी गरेका हुन् ।

बुधबार प्रधानमन्त्री निवास बालुवाटारमा भएको भेटमा ओलीले प्रचण्ड निकट मानिएका बादलालाई पार्टी अध्यक्षको प्रस्ताब गरेको स्रोतले दावी छ ।

नेकपामा ओली र प्रचण्ड–नेपाल समूहले बादललाई आफ्नो समूहमा ल्याउने प्रयास गरिरहेका बेला ओलीले बादललाई अध्यक्ष बन्नका लागि प्रस्ताब गरेका हुन् ।