Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । विवेकशील साझा पार्टीले प्रधानमन्त्री केपी शर्मा ओलीको स्वेच्छाचारी कदमले संसदीय प्रणाली र लोकतन्त्रमाथि खतरा बढेकाे बताएको छ ।
राष्ट्रपति विद्यादेवी भण्डारीद्वारा मंगलबार जारी संवैधानिक परिषद् सम्बन्धी अध्यादेशप्रति गम्भीर ध्यानाकर्षण भएको जनाउँदै पार्टीले सरकारको सर्वसत्तावाद तर्फको अर्को कदम भएको टिप्पणी गरेको छ ।
'परिषद्का अध्यक्ष प्रधानमन्त्रीसहित ३ जनामात्रैको उपस्थितिमा पनि बैठक बस्न सक्ने र तत्काल बहाल सदस्य संख्याको बहुमतले निर्णय गर्न सक्ने प्रावधानसहित ल्याइएको उक्त अध्यादेश संविधानको मर्ममाथि ठाडो प्रहार र सर्वसत्तावादतर्फको सरकारको अर्को कदम भएको हाम्रो ठहर छ,' विवेकशीलले मंगलबार जारी गरेको विज्ञप्तिमा उल्लेख छ ।
यसअघि प्रमुख प्रतिपक्षी दलको असहयोगका कारण महिनौं बन्धक बनेको संवैधानिक परिषद्को बैठक सभामुख आफ्नो संवैधानिक दायित्वबाट विमुख हुँदा बस्न नसक्नु पनि दूर्भाग्यपूर्ण स्थिति भएको विवेकशीलको भनाइ छ । विवेकशीलले पुन: जारी अध्यादेश तुरून्त फिर्ता लिन पनि सरकारलाई आग्रह गरेको छ ।
© 2026 All right reserved to onlinenepal.com
Design & Developed By
