Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
सोमवार, जेठ २५ गते २०८३
Jun 08 2026 | २०८३, जेठ २५ गते
08 Jun 2026 | सोमवार, जेठ २५ गते २०८३
लमजुङ । जिल्ला प्रहरी कार्यालय लमजुङले अवैध जडिबुटीसहित ५ जनालाई पक्राउ गरेको छ ।
मनाङबाट बेंसीसहरका लागि छुटेकाे ग १ ज ७४५३ नम्बरको पिकअप भ्यानबाट १९ लाख ३२ हजार २ सय ९० रुपैयाँ बराबरको १६ किलो जटामसी, १ सय २४ किलो बुकीफूल, ५३ किलो धुपीपात, ९ किलो सुनपाती,१३ किलो भोजपत्र गरी २ सय १५ किलो जडिबुटी बरामद गरिएको प्रहरीले जनाएको छ ।
अवैध रुपमा जडिबुटी ओसारपसारमा संलग्न मनाङको नार्पाभूमि गाउँपालिका २ का ४५ वर्षीय लाम्पा छिरिङ लामा र मनाङ ङिस्याङ गाउँपालिका ३ की २९ वर्षीया पल्मु लामासहित जिप चालक लमजुङको दोर्दी गाउँपालिका ८ का ३१ वर्षीय कर्ण गुरुङलाई पक्राउ गरिएको डीएसपी गंगाबहादुर थापाले बताए ।
शनिबार दिउँसो अवैध जडिबुटी र ओसारपसारमा संलग्न व्यक्ति पक्राउ पछि विशेष सूचनाको आधारमा बेंसीसहरका २ घरमा खानतलासी गर्दा बेंसीसहर नगरपालिका ८ की ४४ वर्षीया शान्ताकुमारी तामाङ र ४६ वर्षीय मीनबहादुर तामाङले अवैध जडिबुटी राखेको भेटिएपछि जडिबुटीसहित दुवैजनालाई प्रहरीले पक्राउ गरेको थियो ।
शान्ताको घरबाट प्रतिबन्धित जडिबुटी पाँचऔंले ८ किलो बरामद गरिएको प्रहरीले जनाएको छ । मिनबहादुरको घरबाट साढे ३ किलो पाँचाऔंले, निरमसी ५३ किलो, मजिठो १४ किलो, पिप्ला २ सय ४१ किलो, सतुवा साढे ८ किलो, जटामसी साढे २ किलो, ढालिङ १ सय ६ किलो, कुड्की ५४ किलो गरी कूल ४ सय ८२ किलो अवैध जडिबुटी बरामद गरिएको डीएसपी थापाले बताए ।
बरामद गरिएको जडिबुटीसहित ५ जनालाई आवश्यक कारबाहीको लागि आइतबार डिभिजन वन कार्यालय लमजुङ पठाइएको छ ।
© 2026 All right reserved to onlinenepal.com
Design & Developed By
