काठमाडौं। नेपालका लागि होण्डा मोटरसाइकल तथा गाडीको आधिकारिक बिक्रेता स्याकार ट्रेडिङ्ग कम्पनी प्रालीले होण्डा सिबिआर ६०० आर आर लाई नेपाली बजारमा भित्राएको छ ।

स्पोर्टस् बाइक उत्साहीहरुको लागि उपयुक्त यस बाइकको लुक्स् र फिचरहरुले सबैलाई पक्कै पनि आकर्शित गर्ने कम्पनीले जनाएको छ। ।

४ सिलिन्डर लिक्विड कुल इन्जिन रहेको  सिबिआर ६०० आर आर मा ५९९ सिसिको इञ्जिन क्षमता रहेको छ ।

कम्पनीका अनुसार ६६ एनएम टर्क र १२० हर्सपावर रहेको यस बाइकलाई ० देखि १०० किमि प्रति घण्टा पुग्नलाई मात्र ३.१ सेकेण्ड लाग्ने छ । ६ स्पिड गेयरबक्स गरेको यस बाइकको टप स्पिड २५० किमि प्रति घण्टा रहेको छ ।

सुपर बाइकहरुको भिडमा एक भिन्न पहिचान बोकेको यस बाइकको मूल्य ३४ लाख ५० हजार निधारण गरिएको छ ।