काठमाडौं । बिहीबार नेप्से परिसूचक ११.३४ अंकले घटेर १५८९.६३ विन्दुमा पुगेकाे छ ।

१९३ कम्पनीको २ अर्ब ९० करोड रुपैयाँभन्दा बढीको कारोबार भएको छ । १ करोड ११ लाख ६४ हजार कित्ता भन्दा बढी सेयर कारोबार भएको हो ।

सबैभन्दा धेरै मल्टिप्रपोज फाइनान्सको भाउ १० प्रतिशतले बढेको छ । कर्णाली डेभलपमेन्ट बैंक, समृद्धि फाइनान्स, गोर्खाज फाइनान्सको भाउमा पनि सकारात्मक सर्किट लागेको छ ।

सबैभन्दा धेरै सिनर्जी पावरको भाउ ७.०८ प्रतिशतले घटेको छ । सबैभन्दा धेरै अरुण काबेलीको १२ करोड ४१ लाख रुपैयाँभन्दा बढीको कारोबार भएको छ ।

बिहीबार बजार सूचक केही दबाबमा परेको देखिन्छ । यसअघि बढेका अधिकांश सेयरहरुको मूल्यमा करेक्सन आएको छ । वाणिज्य बैंक समूह पनि दबाबमै परेको देखिन्छ ।

सबैभन्दा धेरै निर्जीवन समूह ७४.३१ अंकले घटेको छ । पछिल्लो समय उछाल आएको जलविद्युत कम्पनीमा साताको अन्तिम कारोबार ४४.५७ अंकले घटेको छ ।