काठमाडौं । प्रहरी प्रधान कार्यालय, केन्द्रीय अनुसन्धान व्यूराे (सिआइबीले) होल्डिङ सेन्टरबाट दिइने सवारी पास कीर्ते गरेकाे अभियाेगमा एकजनालाइ पक्राउ गरेकाे छ ।

कोरोना भाइरस (कोभिड-१९) का कारण संक्रमण देशबाट नेपाल फिर्ता भई होल्डिङ सेन्टरमा बसिसकेपछि दिइने सवारी पास कीर्ते गरी ठगी गरेको पाइएकाले अनुसन्धानका लागि पक्राउ गरिएकाे सिआइबीले जनाएकाे छ ।

यसरी ठगी गरेको आरोपमा सिआइबीले गोरखाको आरुघाट गाउँपालिका- १० घर भई काठमाडौं २६ कपुरधारा बस्ने २७ वर्षीय विश्वप्रकाश अधिकारीलाई पक्राउ गरेको हो । उनलाई टोखा नगरापालिका- ७ तिलिंगेटारबाट पक्राउ गरिएको हो।

कोभिड- १९ संकट व्यवस्थापन केन्द्र छाउनीको नामबाट कीर्ते सवारी पास बनाएर प्रतिपास दुई हजारका दरले उनले बेच्ने गरेको सिआइबीले जनाएको छ।