Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । कोरोना (कोभिड–१९) को संक्रमण रोक्नका लागि गरिएको लकडाउनका कारण कुवेतमा अप्ठेरोमा परेका ३ सय ६ जना नेपाली महिला नेपाल आइपुगेका छन् ।
उनीहरुलाई नेपाली सेनाले प्रदेशगत रुपमा छुट्टाइएको होल्डिङ सेन्टरमा लगेको छ ।
होल्डिङ सेन्टरबाट सम्बन्धित स्थानीय निकायले व्यवस्था गरेको क्वारिेन्टन सेन्टरमा लैजाने तयारी छ ।
जजिरा एयरलाइन्सको जे ९ १५४१ नम्बरको पहिलो उडानमा एकसय ५७ जना र दोश्रो उडान नम्बर जे ९१५४३ जहाजमार्फत १ सय ४९ जना नेपाल आएका हुन् ।
आज नेपाल आएकाहरु गैरकानुनी हैसियतमा कुवेत बसेर आममाफी पाएका नेपाली महिला कामदारहरु हुन् ।
उनीहरुलाई गत अप्रिल २६ तारिखदेखि कुवेतले अस्थायी क्याम्प र डिर्पोटेसन सेन्टरमा राखेको थियो ।
कुवेतको अस्थायी क्याम्पमा ११ जना बालबालिका भए पनि उनीहरुलाई भने ल्याइएको छैन ।
कुवेतले बिनाजरिवाना स्वदेश फिर्न पाउने भन्दै अस्थायी क्याम्प र डिपोर्टेसन सेन्टरमा राखेकालाई आफ्नै खर्चमा दैनिक दुईवटा चार्टर विमानमार्फत नेपाल पठाउन सरकारसमक्ष प्रस्ताव राखेको थियो ।
अस्थायी क्याम्प र डिपोर्टेसन सेन्टरमा २ हजार ९ सय ९१ जना छन् । यी सबैलाई नेपाल पठाउन कम्तीमा २० वटा उडान गराउने कुवेतको तयारी छ । तर, सबैलाई एकैपटक ल्याउन नेपाल सरकारले अनुमति दिएको छैन ।
पहिलो चरणमा आज ३ सय ६ जना नेपाल आएका हुन् ।
© 2026 All right reserved to onlinenepal.com
Design & Developed By
