काडमाडौं । सरकारी गाडीभित्रै यौनजन्य क्रियाकलाप गरिरहेको अवस्थामा तीन व्यक्ति पक्राउ परेका छन् । पक्राउ पर्नेमा दुई पुरुष र एक महिला छन् ।

महानगरिय प्रहरी परिसर भक्तपुरले बुधबार राति ११ बजे सूर्यविनायक नगरपालिका-७ घ्याम्पेडाँडाको जङ्गलमा रोकि राखेको प्रदेश ३-०१-००२ झ ५०५२ नम्वर गाडीबाट यौनजन्य क्रियाकलाप गरिरहेको अवस्थामा उनीहरुलाई ‘रंगेहात’ पक्राउ गरेको स्रोतले वतायो ।

पक्राउ पर्नेमा सवारीचालक सिन्धुपाल्चोकका ४१ वर्षीय जितबहादुर खत्री ,गाडीमा सवार शम्भु कार्की र २१ वर्षीया महिला छन् । कार्की र महिला गाडीभित्र अश्लील गतिविधि गरिरहेका थिए ।

उक्त गाडी महिला, बालबालिका तथा ज्येष्ठ नागरिक मन्त्रालयको रहेको प्रहरी स्रोतले थप वतायो।

गस्तीमा निस्किएको प्रहरीले गाडीभित्र निर्वस्त्र अवस्थामा महिला र पुरुषहरुलाई देखेका थिए । गाडी चालक मन्त्रालयकै कर्मचारी भएको खुलेको छ ।

उनीहरुविरुद्ध सार्वजनिक स्थानमा यौन क्रियाकलाप गर्न नहुने कसूरमा कारवाही गरिने प्रहरीको भनाइ छ ।