कास्की । युवतीलाई जवरजस्ती  यौन शोषण गराएको अभियोगमा जाल्पारोड स्थित एक खाजा घरका सञ्चालकलाई कास्की प्रहरीले पक्राउ गरेको छ ।

आफ्नो खाजा घरमा खाजाखान आउने पुरुषहरुसँग पैसा लिएर खाजा घरमा काम गर्न राखेका युवतीलाई जवरजस्ती शारीरिक सम्पर्क गराएको आरोपमा सञ्चालक केशव भुजेललाई कास्की प्रहरीले पक्राउ गरेको हो ।

काभ्रेपलान्चोकको पाँचखाल नगरपालिका–३ घरभई पोखरा–९ जाल्पारोडमा खाजाघर सञ्चालन गर्दै आएका ३४ वर्षीय  भुजेललाई बिहीबार राति पक्राउ गरिएको  कास्की प्रहरी प्रवक्ता एवं डिएसपी सुवास हमालले जानकारी दिए ।

उनले  युवतीहरुलाई खाजा घरमा खाजा नास्ता वितरणको काममा लगाइदिन्छु भनी बोलाएर ल्याई डरधम्की देखाएर खाजाघरमा आएका व्यक्तिसँग जबरजस्ती शारीरिक सम्पर्क गर्न लगाउने र अन्यत्र होटलमा समेत पठाई यौन शोषण गरेको भन्ने परेपछि पक्राउ गरिएको डिएसपी हमालले बताए ।

भुजेललाई मानब बेचबिखन तथा ओसारपसार सम्बन्धी कसूर अन्तरगत १० दिन म्याद थप गरी अनुसन्धान शुरु गरिएको प्रहरीको भनाइ छ ।