चितवन । भरतपुरस्थित कोरोना विषेश अस्पतालमा उपचाररत युवकको मृत्यु भएको छ । मृत्यु भएका ३० वर्षीय युवक मिर्गौला र लुपस रोगबाट ग्रसित रहेको अस्पतालले जानकारी दिएको छ ।
अस्पतालका प्रवक्ता डा. भोजराज अधिकारीका अनुसार युवक मिर्गौला र लुपस रोगबाट पीडित थिए ।
केही दिनअघि ज्वरो आएपछि उनी चितवन मेडिकल कलेजमा उपचारको लागि गएका थिए । चितवन मेडिकल कलेजले उनलाई कोरोना विशेष अस्पतालमा रेफर गरेको थियो ।
कोरोना आशंकामा परीक्षणका लागि नमूना काठमाडौं पठाएको र रिपोर्ट आउन बाँकी रहेको डा.आधिकारीले जानकारी दिए ।
Leave a Reply