चितवन । नेपालमा पनि कोरोना भाईरसको त्रास बढ्दै गएपछि पर्यटकीय क्षेत्र सौराहामा रहेका होटलहरु, निकुञ्ज  र  संग्राहलय बन्द भएका छन् ।

क्षेत्रीय होटल संघ सौराहाका अध्यक्ष दिपक भट्टराईका अनुसार होटलहरुले सूचना टाँसेर सेवा बन्द गरेका हुन् । कोरोनाको जोखिम न्यूनीकरण गर्नका लागि भन्दै होटलहरु बन्द गरिएको उनले बताए ।

चितवन राष्ट्रिय निकुञ्जको मुख्य प्रबेशद्धार सौराहामा १ सय १५ वटा साना ठूला होटल रहेका छन् ।

यसैबीच कोरोनाकै त्रासका कारण चितवन राष्ट्रिय निकुञ्ज भित्र प्रबेश बन्द गरिएको छ । निकुञ्जका सहायक संरक्षण अधिकृत गोपाल घिमिरेले निकुञ्ज प्रबेशको टिकट काउण्टर बन्द गरिएको जानकारी गराए । सौराहाको थारु सांस्कृतिक संग्राहलय पनि बन्द भएको छ ।