काठमाडौ । नेपाल कम्युनिस्ट पार्टी (नेकपा) फुटको संघारमा पुगेपछि रघुवीर महासेठ प्रचण्ड खेमामा र जुलीकुमारी महतो केपी शर्मा ओली खेमामा देखिएका छन् । रघुवीर महासेठ र जुलीकुमारी महतो श्रीमान–श्रीमती हुन् ।

यसअघि श्रीमान–श्रीमती अध्यक्ष केपी शर्मा ओलीको खेमामा रहेका रघुवीर महासेठ र जुलीकुमारी महतो पछिल्लो पटक फरक फरक खेमामा सहभागी भएका हुन् ।

श्रीमती महतो शुरुदेखि अध्यक्ष ओली खेमाको बैठकमा सहभागी हुँदै आएकी थिइन् । तर उनका श्रीमान महासेठ अध्यक्ष प्रचण्ड खेमामा पुगेका हुन् ।

महासेठ यसअघि अध्यक्ष ओली नेतृत्वको सरकारमा यातायात मन्त्री थिए । अहिले उनी नियमित प्रचण्ड पक्षको भेलामा सहभागी हुँदै आएका छन् । आजको ववरमहल बैठकमा पनि महासेठ सहभागी रहेका केन्दीय सदस्य मेटमणी चौधरीले बताए ।

नेकपा अब फुटमा पुग्ने निश्चितप्रायः भएपछि पार्टीमा आवद्ध श्रीमा-श्रीमतीबीच पनि फुटहुने अवस्था सिर्जना भएको छ । यसैगरी उपाध्यक्ष गौतम अहिले कुनै खेमाको बैठकमा सहभागी नभएका भएपनि उनको श्रीमती तुलसा थापा अध्यक्ष ओली खेमाको केन्द्रीय कमिटी सदस्य बनेकी छिन् ।