काठमाडौं । नेपालमा पछिल्लो २४ घण्टामा थप ७१० जनामा कोरोनाभाइरस संक्रमण पुष्टि भएको छ ।

योसँगै कोरोना संक्रमित हुनेको संख्या २ लाख ५३ हजार १८४ जना पुगेको छ । देशभरका प्रयोगशालामा ४७८० नमुना परीक्षण गर्दा उनीहरुमा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना निको हुनेको संख्या भने ११७५ जना रहेको छ ।

योसँगै कोरोनालाई जितेर घर फर्कनेको संख्या २ लाख ४२ हजार ५६७ जना पुगेको छ ।

त्यस्तै पछिल्लो २४ घण्टामा कोरोनाका कारण थप १२ जनाको मृत्यु भएको पनि स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार देशभर ८ हजार ८४० जना सक्रिय संक्रमित रहेका छन् भने मृतकको संख्या १७७७ पुगेको छ ।