काठमाडाैँ । रुपन्देहीको बुटवलस्थित कोरोना विशेष अस्पतालमा थप एकजना कोरोना संक्रमितको मृत्यु भएको छ ।

अस्पतालमा अनुसार बुटवल उपमहानगरपालिका–९ की ८५ वर्षीया महिलाको मृत्यु भएको हो ।

कार्तिक १४ गते कोरोना संक्रमण पुष्टि भएकी महिला २८ गते अस्पताल भर्ना भएकी थिइन् ।

उनको उपचारका क्रममा आज विहान मृत्यु भएको अस्पतालका प्रवक्ता डा. विष्णु गौतमले जानकारी दिए ।

संक्रमित महिला मधुमेह र निमोनियाको दीर्घरोगी रहेको थिइन् । उनको मृत्युसगै प्रदेश स्वास्थ्य निर्देशनालयका अनुसार रुपन्देहीमा कोरोना संक्रमितको मृत्यु हुने संख्या ११८ पुगेको छ ।