काठमाडौं । मोटरसाइकल नवीकरणमा भोलिबाट जोरविजोर प्रणाली लागू हुने भएको छ ।

प्रदेश सरकार बाग्मती यातायात व्यवस्थापन कार्यालयले अर्को सूचना नआउँदा सम्म अनिश्चितकालका लागि कार्यालबाट प्रवाह हुने मोटरसाइकलको ब्लूबुक नवीकरण सेवामा जोरविजोर प्रणाली लागू गरिएको जनाएको छ ।

बाग्मती प्रदेश प्रमुख कार्याल सतुङगलले आइतबार एक सूचना जारी गर्दै भोलि मंगलबारदेखि जोर दिन जोर नम्बर प्लेट भएका र विजोर दिन विजोर नम्बर प्लेट भएका मोटरसाइकलहरुको मात्र ब्लूबुक नविकरण हुने जनाएको छ ।

सवारी दर्ता प्रमाणपत्र (ब्लूबुक) नवीकरणमा जोरबिजोर प्रणाली लागू गरेपनि सवारी साधनको नामसारी भने दैनिक ६० वटा मात्र हुने कार्यालयले जनाएको छ ।

ब्लूबुक नवीकरण नामसारी लगायका सेवाका लागि कूल ६ वटा फाँट रहेको कार्यालयले प्रत्येक फाँटबाट १०/१० वटाका दरले दैनिक ६० वटा टोकन वितरण गर्ने र सोही टोकनका आधारमा सेवा प्रवाह गर्ने बताएको हो ।

यद्यपि, कार्यालयबाट प्रवाह हुने ब्लूबुकको प्रतिलिपि, सरुवा सहमति, नामसारी रोक्का, लगत कट्टा, दर्ता खारेजी, सवारी साधन विवरण लगायतका अन्य सेवाहरु भने नियमित रुपमा नै सञ्चालन हुने कार्यालयले जनाएको छ ।