काठमाडौं । आईपीएल क्रिकेटमा मुम्बई इण्डियन्सले दिल्ली क्यापिटलमाथि ९ विकेटको शानदार जित निकालेकाे छ ।

दिल्लीले दिएकाे ११० रनकाे सामान्य लक्षय मुम्बईले १५ औं ओभरमा मात्र एक विकेट गुमाएर पुरा गरेकाे थियाे । उसका लागि इशान किशनले नटआउट ७२ रन बनाए । उनले क्विन्टन डिककसँग मिलेर राम्रो सुरुवात गरेका थिए ।

पहिलो विकेटका लागि ६८ रनको साझेदारी गरेर डिकक व्यक्तिगत २६ रनमा आउट भए । तर इशानको शानदार प्रदर्शन कायमै रहृयो । ३७ बलमा अर्धशतक पुरा गरेका उनले १५औं ओभरको दोस्रो बलमा छक्का हानेर मुम्बईलाई जित दिलाए ।

यसअघि जसप्रित बुमराह र ट्रेन्ट बोल्डको बलिङमा मुम्बई, दिल्लीमाथि हावी भएको थियो । टिल्लीको टिम इनिङभर रन जोड्न संघर्षरत रहे र २० ओभरमा ९ विकेट गुमाएर ११० रन जोड्न सक्यो । उसका कप्तान श्रेयस अथ्यरले २५ र ऋषभ पन्तले २१ रन बनाए ।

मुम्बईका लागि बुमराहले १७ रन दिएर ३ तथा बोल्टले २१ रन दिएर ३ विकेट लिएका थिए । आईपीएल १३ मा मुम्बईको यो नवौं जित हो भने दिल्लीको छैटौं हार हाे ।