चितवन । ट्रकको ठक्करबाट चितवनमा मंगलबार बिहान महिलाको ज्यान गएको छ । साइकलमा दूध बोकेर हिँडिरहेकी ३५ वर्षीया लक्ष्मी सुवेदीको ज्यान गएको जिल्ला प्रहरी कार्यालय चितवनले जनाएकाे छ।
ट्रकलाई स्थानीयले नियन्त्रणमा लिएका छन् । घटनाका दोषीमाथि कारबाही तथा पीडितलाई क्षतिपूर्ति दिनुपर्ने माग राख्दै स्थानीयले ट्रक नियन्त्रणमा लिएका हुन् ।
भरतपुरबाट गितानगर जाँदै गरेको ना ७ ख ४०९१ नम्बरको ट्रकले सुवेदीलाई ठक्कर दिएको प्रहरीले जनाएको छ । ट्रकका चालकलाई नियन्त्रणमा लिएर घटनाबारे थप अनुसन्धान भइरहेको प्रहरीले जनाएको छ ।
Leave a Reply