काठमाडौं । पूर्वप्रधानमन्त्री तथा जनता समाजबादी पार्टी (जसपा) नेपालका नेता डा. बाबुराम भट्टराईले अधिकार सम्पन्न जनलोकपाल गठन गर्न प्रस्ताव गरेका छन् ।

बुढीगण्डकीमा ९ अर्ब अनियमितता प्रकरणमा प्रतिक्रिया दिँदै उनले अधिकार सम्पन्न जनलोकपाल गठन गरेर सबै उच्च पदासीनहरूको सम्पत्ति छानवीन गर्न प्रस्ताव गर्दै यसमा पूर्ण सहयोग गर्न र दोषी ठहरे दण्डित हुन तयार रहेको बताएका हुन् ।

डा. भट्टराईले गत विहिबार गोरखामा आयोजित कार्यक्रममा बुढीगण्डकीमा प्रधानमन्त्री केपी शर्मा ओली, नेकपा अध्यक्ष पुष्पकमल दाहाल प्रचण्ड र कांग्रेस सभापति शेरबहादुर देउवाले ९ अर्ब अनियमितता गरेको दावी गरेपछि नेकपाले आज व्यक्तव्य निकालेर दिएको चुनौतीको जवाफ दिदै आफ्नो प्रतिक्रिया दिएका हुन् ।

साथै डा. भट्टराईले जस्केलाबाट छिर्नेहरूले सत्ताको तुजुक नदेखाउन आग्रह गरेका छन् ।

बुढीगण्डकी,एनसेल,वाइडबडी,सुरक्षा प्रिन्टिंग,यति,ओम्नी लगायत सबै ठूला भ्रष्टाचार काण्डको छानवीन र दण्डसजाय गर्न अधिकारसम्पन्न जनलोकपाल गठन गरौं।सबै उच्च पदासीनहरूको सम्पत्ति छानवीन गरौं।म पूर्ण सहयोग गर्न र दोषी ठहरे दण्डित हुन तयार छु।जस्केलाबाट छिर्नेहरूले सत्ताको तुजुक नदेखाऊॅ! pic.twitter.com/WbWX664bzQ

— Baburam Bhattarai (@brb1954) October 14, 2020