काठमाडौं । सरकारले दसैँकाे अवसरमा सार्वजनिक स्थलमा पिङ नहाल्न आग्रह गरेको छ ।

स्वास्थ्य तथा जनसंख्या मन्त्रालयले सार्वजनिक स्थलमा पिङ हाल्दा भिडभाड बढ्न गई कोरोना संक्रमणको जोखिम बढ्ने भन्दै सार्वजनिक स्थलमा पिङ नहाल्न आग्रह गरेको हो ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले कोरोना संक्रमणबाट बच्नका लागि आफू बसेकै स्थानबाट दसैँ मनाउन पनि आग्रह गरेका छन् ।

यस्तै बिहीबार ४ हजार ३६४ जनामा कोरोना संक्रमण पुष्टि भएको छ । काठमाडाैं उपत्यकामा मात्रै २५ सय ४० जनामा कोरोना पुष्टि भएको छ ।

स्वास्थ्य तथा जनसंख्या मन्त्रालयले दिएकाे जानकारी अनुसार काठमाडौंमा २ हजार ८५, ललितपुरमा ३२० र भक्तपुरमा १३५ जना संक्रमित भेटिएको हुँन् ।