मकवानपुर । मकवानपुर प्रहरीले लागु औषध ८ सय ७० ट्याब्लेट नाइट्रोभेट सहित २ जनालाई पक्राउ गरेको छ ।

जिल्ला प्रहरी कार्यालय मकवानपुरका प्रहरी नायव उपरिक्षक ईन्द्र बहादुर रानाले प्युठानको मल्लरानी गाउँपालिकाका सतिश मगर र कालीकोट घोचायबाडा गाउँपालिकाका बज्र रोकायालाई पक्राउ गरिएको जानकारी दिए।

प्रहरी चौकी भैसैंबाट खटिएकाे प्रहरी टोलीले भीमफेदी गाउँपालिका अन्तर्गतको त्रिभुवन राजपथमा चेकजाँच गर्दा लागु औषध बरामद गरेको हो ।