अनलाइन नेपाल
काठमाडौं । राप्रपाका अध्यक्ष राजेन्द्र लिङ्देन र जिल्ला प्रहरी परिसर काठमाडौंका प्रमुख विश्व अधिकारी सहितको टोलीले बल्खु क्षेत्रको अनुगमन गरेका छ । राप्रपाले आज बल्खु क्षेत्रमा प्रदर्शन गर्दैछ ।
सोही अनुरुप अध्यक्ष लिङ्देन र एसएसपी अधिकारीको टोलीले सोमबार राति बल्खु क्षेत्रको अनुगमन गरेको हो । अध्यक्ष लिङ्देनले आफ्नो पार्टीले अराजकता र हिंसामा विश्वास नराख्ने स्पष्ट पारे ।
उनले पार्टीका सबै कार्यक्रम शान्तिपूर्ण रूपमा सञ्चालन हुने बताउँदै बल्खु क्षेत्रमा आयोजना हुने प्रदर्शन पनि अहिंसात्मक र भद्र रूपमा सत्याग्रहको स्वरूपमा अघि बढ्ने दाबी गरे ।
उनले देश बनाउने र बचाउने अभियानमा सबैलाई आफ्नै झण्डासहित सहभागी हुन आग्रह गरे । काठमाडौँ प्रहरी प्रमुख र मातहतका प्रहरी अधिकारीहरूसँग छलफल गरी प्रदर्शनलाई शान्तिपूर्ण बनाउन आवश्यक समन्वय गरिएको ज्ञानेन्द्र शाहीले जानकारी दिए ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply