काठमाडौं । नेपालमा कोरोना भाइरसको संक्रमणबाट थप १० जनाकाे मृत्यु भएकाे छ ।

पछिल्लो २४ घण्टामा थप १० जनाको मृत्यु भएसँगै काेराेनाका कारण मृत्यु हुनेकाे संख्या ४७७ पुगेको स्वास्थ्य तथा जनसंख्या मन्त्रालयले जनाएको छ ।

पछिल्लाे २४ घण्टामा मृत्यु हुनेमा ९ जना पुरुष र १ जना महिला रहेका छन् ।

यस्तै नेपालमा आज थप १ हजार ५७३ जनामा काेराेना भाइरस संक्रमण पुष्टि भएको छ ।

आजकाे नियमित प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर १ हजार ५७३ जनामा काेराेना भाइरसकाे संक्रमण पुष्टि भएकाे जानकारी दिए ।

याेसँगै नेपालमा काेराेना संक्रमितको कुल संख्या ७३ हजार ३९४ पुगेको मन्त्रालयले जनाएकाे छ ।