काठमाडौं । सिद्धार्थ बैंक नेपाल प्रिमियर लिग (एनपिएल) को सर्वोत्कृष्ट खेलाडी घोषित हुँदै कार पुरस्कार जितेका सुदूरपश्चिम रोयल्सका कप्तान दीपेन्द्रसिंह ऐरीलाई नेपाल प्रहरीका आईजीपी बसन्त बहादुर कुँवरले बधाई दिएका छन् ।

आईजीपी कुँवरले सामाजिक सञ्जालमार्फत प्रहरीको सहायक हवल्दार समेत रहेका दीपेन्द्रलाई बधाई तथा थप सफलताको शुभकामना दिएका हुन् ।

प्रतियोगितामा उत्कृष्ट प्रदर्शन गरेका ऐरीले ओमाडोको ६१ लाख ९९ हजार रुपैयाँ पर्ने कार पाएका छन् ।

उनले एनपिएलका कुल ९ खेलमा ९ विकेट लिँदै २२७ रन जोडेका थिए ।