काठमाडौं । नेपाल प्रिमियर लिग (एनपीएल) मा आजको पहिलो खेलमा लुम्बिनी लायन्सविरुद्ध चितवन राइनोजले टस जितेर फिल्डिङ गर्दैछ ।

त्रिवि क्रिकेट मैदानमा आज हुने पहिलो खेलमा चितवनका कप्तान कुशल मल्लले लुम्बिनीलाई ब्याटिङको निम्तो दिएका हुन् ।

लुम्बिनीले हालसम्म ४ खेलमा एउटा पनि खेल जितेको छैन । आजको खेलमा पराजित भए लुम्बिनी आधिकारिक रूपमै प्रतियोगिताबाट बाहिरिने पहिलो टोली बन्नेछ ।

चितवनले ४ खेलमा ३ मा जित र १ हार बेहोरेको छ । चितवन भने आज जितसहित प्लेअफ सम्भावनालाई बलियो बनाउने लक्ष्यमा हुनेछ ।