काठमाडौं । नेपाल प्रिमियर लिग (एनपीएल) मा आज पहिलो खेलमा चितवन राइनोजले पहिले ब्याटिङ गर्दैछ ।

टीयू अन्तर्राष्ट्रिय मैदान कीर्तिपुरमा कर्णाली याक्सले टस जितेर पहिले बलिङ रोजपछि चितवन पहिले ब्याटिङ गर्न लागेको हो । खले अहिले सुरु हुँदैछ ।

चितवन प्रतियोगितामा आज लगातार तेस्रो जितको खोजीमा छ । चितवनले यसअघि पहिलो खेलमा पोखरा एभेन्जर्सविरुद्ध ८७ रनको र दोस्रो खेलमा काठमाडौं गुर्खाजविरुद्ध पाँच विकेटको जित निकालेको थियो ।

यता कर्णाली भने पहिलो जितको खोजीमा छ । कर्णाली यसअघि पहिलो खेलमा जनकपुर बोल्ट्ससँग आठ विकेटले र दोस्रो खेलमा काठमाडौं गुर्खाजसँग तीन विकेट पराजित भएको थियो ।