काठमाडौं । भारतका क्रिकेटर शिखर धवन र पाकिस्तानी क्रिकेटर सोहेल तनविर आज एनपिएलमा आमने सामने हुँदै छन् । उनीहरु १६ वर्ष पछि कुनै पनि फ्रेन्चाइजि लिगमा आमने सामने हुन लागेका हुन् ।

आज आज बिहान कीर्तिपुरस्थित टियु मैदानमा चितवन राइनोज र कर्णाली याक्सबीच प्रतिस्पर्धा हुँदैछ । खेल बिहान ९ बजे पछि सुरु हुनेछ । सोहेल चितवन राइनोजमा आबद्ध छन् भने शिखर कर्णाली याक्समा रहेका छन् ।

सन् २००८ को पहिलो संस्करणको आइपिएलमा दुईबीच टि ट्वान्टी फ्रेन्चाइजि लिगमा पछिल्लो पटक आमने सामने भएका थिए ।

चितवनले काठमाडौं गुर्खाज र पोखरा एभेन्जर्सलाई पराजित गरिसकेको छ भने कर्णालीले दुई खेलमा हार व्यहोरेको छ । जितविहीन कर्णाली पहिलो जितको खोजीमा छ भने चितवन लगातार जित निकाल्ने दाउमा छ ।