काठमाडौं । नेपाल प्रिमियर लिग (एनपीएल) मा जनकपुर बोल्ट्सविरुद्ध पोखरा एभेन्जर्सले चौथौ विकेट गुमाएको छ ।

कीर्तिपुरस्थित त्रिवि क्रिकेट मैदानमा टस हारेर ब्याटिङ गरिरहेको पोखराका लागि चौचौ विकेटका रुपमा दिलिप नाथ ११ रनमा आउट भए । उनी मोहम्मद मोहसिनको बलमा एलबीडब्लू धरापमा परे ।

यसअघि तेस्रो विकेटका रुपमा कुशल भुर्तेल ६ रनमा आउट भए । उनलाई ललित राजवंशीले आउट गरे । त्यस्तै दोस्रो विकेटका रुपमा दिपेश खरेल १० रनमा आउट भए । उनलाई जनकपुरका जेम्स निशमले क्याच आउट गराए ।

त्यसअघि पहिलो विकेटका रुपमा एन्ड्रिज गौस २० रनमा आउट भए । उनलाई ललित राजवंशीले क्याच आउट गराए । यो समाचार तयार पार्दासम्म पोखरा एभेन्जर्सले १२ ओभरमा चार विकेटको क्षतिमा ७९ रन बनाएर खेलिरहेको छ ।