काठमाडौं । नेपाल प्रिमियर लिग (एनपीएल)मा चितवन राइनोजले पहिलो ओभरको पहिलो बलमै सफलता हात पारेको छ ।

पोखरा एभेन्जर्सका ओपनर कुशल भुर्तेल, बास डि लिडे र दिलिप नाथलाई सोहेल तनभिरले आउट गरेका हुन् ।

१६२ रनको लक्ष्य पछ्याएको पोखरा ४ रन जोड्दा ३ विकेट गुमाएको छ ।

ओपनर भुर्तेल सोहेलको पहिलो बलमै क्याच आउट भएका थिए। पाकिस्तानी खेलाडी सोहेलको घातक बलिङमा पोखराको तीन विकेट पतन भएको हो।

कप्तान कुशल भुर्तेल पहिलो बलमै डकआउट हुँदा दिलीप नाथ ४ रन र बस दी लीडे शून्य रनमै आउट भएका हुन्। यसअघि पहिलो खेलमा तनवीरले काठमाडौंविरुद्ध ५ विकेट लिएका थिए।

चितवन राइनोजले पोखरा एभेन्जर्सलाई १६२ रनको विजयी लक्ष्य प्रस्तुत गरेको थियो। कीर्तिपुरस्थित टियु क्रिकेट मैदानमा टस हारेर ब्याटिङ गरेको चितवनले निर्धारित २० ओभर ७ विकेट गुमाउँदै १६१ रन बनायो।