काठमाडौं । राष्ट्रपति रामचन्द्र पौडेलले बडादशैंका अवसरमा शुक्रबार नवकन्याहरूको विधिपूर्वक पूजाअर्चना गरेका छन्।

राष्ट्रपति पौडेलले दुर्गा भगवतीको शैलपुत्री, ब्रह्मचारिणी, चन्द्रघण्टा, कुष्माण्डा, स्कन्दमाता, कात्यायनी, कालरात्री महागौरी र सिद्धिदात्रीका रूपमा नौ रूपको पूजा गरेका हुन्।

सो अवसरमा राष्ट्रपति पौडेलले नवकन्याको गोडा धोएर, टीका लगाइ उपहारसमेत प्रदान गरेका थिए ।

बडादशैंका अवसरमा नवदुर्गाको अवतारस्वरूप राष्ट्रप्रमुखले नवकन्याहरूको (९ कन्या) पूजाअर्चना गर्ने परम्परा छ ।